《核凸家庭》

新年，母親和姐姐到我家拜年。母親弄了美味的手撕雞，帶來共享。

我：「咦？D手撕雞真係用手撕架？」
我親生姐姐知我重視衛生，於是撚化我，笑笑口：「唔係呀，係呀媽用個口，一啖一啖咁撕架。」

母親：「咪聽佢亂噏丫！乾淨架，用手撕架。」然後又繼續道：「不過，出面街賣D白雲鳳爪，真係用口撕架。」

我：「唔係嘛？！」
母親：「咩唔係呀？D雞腳咁硬，點用手去骨呀！要用牙咬走D骨架！」

我：「下？」
親生姐姐笑笑口：「點止用口撕呀！係叫D呀婆，用個口一啖一啖咁撕架。呀婆人工平嘛！哈哈…」

我也不甘示弱：「係呀，咬咬下跌埋副假牙，又連埋D牙血，牙石，痴左上D鳳爪度呀。」

親生姐姐：「哈哈…你真係好鬼核凸。」
我：「知你中意聽嘛。」

蛋捲雲，有趣！